Virtualats.az bulud texnologiyaları vasitəsilə kiçik və orta həcmli şirkətlərə İP Telefoniya imkanlarından yararlanmaq üçün proqram təminatı təqdim edir. Bu xidmət vasitəsilə çox cuzi xərc çəkməklə şirkətin müasir telefoniya şəbəkəsi quraraq, daxili və xarici kommunikasiyalarını rahat idarə etmək və keyfiyyətini artırmaq imkanı əldə edir. Xidmət çərçivəsində şirkətlər İP Telefoniya texnologiyasının bütün imkanlarından (İVR, ağıllı menu, danışıqların qeydlə alınması, növbə sistemi, kənar proqram təminatları ilə inteqrasiya və s.) istifadə etmək imkanı əldə edir.

2017-ci ildən Azerizone MMC tərəfindən təqdim edilən xidmət hal hazırda 100-dən artıq şirkətin zənglərinin idarə edilməsində istifadə edilir. Xidmət Azərbaycan respublikasının qanunlarına müvafiq həyata keçirilir. Azerizone MMC sistem inteqrasiyası, informasiya texnologiyalarına aid avadanlıqların təchizatı, hostinq, proqram təminatının hazırlanması sahəsində fəaliyyət göstərir. 2000-ci ildən fəaliyyətə başlayan komanda internet texnologiyaları sahəsində fəaliyyət göstərir, 2015-ci ildən etibarən əsasən telekommunikasiya operatorları üçün proqram təminatı, avadanlıqların təchizatı və onların idarə edilməsi sahəsində layihələrin icrasına başlamışdır. Şirkət 50-dən artıq xarici istehsalçının təmsilçilik hüququna malikdir.