Çağrı mərkəzi nə üçün olmalıdır?

20-08-2020

Çağrı mərkəzi nə üçün olmalıdır?

Azerizone şirkətində çalışdığım gündən zəng etdiyim şirkətlərin mənim sorğumu necə cavablandırdığı təhlil edirəm. Müştəri kimi və həll təklif edən təşkilatın işçisi olduğumdan bəzi texniki məqamları bildiyimdən buraxılmış hər bir səhvin, VirtualATS ilə necə rahat həll oluna bildiyini anlayıram. Təbii ki, hər kəs mənim qədər texniki biliklərə malik deyil və öz sorğusunun cavablandırılmasında baş verən mənfi hadisələrin həllini bilmir, amma mənim qədərilə əsəbiləşdiyini dəqiq bilirəm:) Etdiyim təhlil nəticəsində anlayıram ki, hər bir şirkətin daxil olan zənglərin idarə edilməsi siyasəti olmalıdır. Fikirlərimi daha təraflı və 4 əsas amil üzərindən izah etmək istərdim:

1. Çağrı mərkəzi müştəridə inam yaradır və müştəri loyallığını təmin edir.

Müştərilər alış-veriş edən zaman çox vaxt hər hansı problem yarandıqda və ya digər bir suala cavab tapmaq istədiklərində əlaqə yarada biləcəkləri şirkətləri seçirlər. Bəziləri onlayn məhsul alarkən narahat hiss etdikləri məqamlar olduğu üçün zəng edərək məhsul sifariş etməyə üstünlük verirlər. Onlar bu proses üçün uzun bir e-poçt yazmaq istəmir və cavab verilməsi üçün də uzun bir vaxt gözləmək istəmirlər. Lakin müştərinin zəng edə biləcəyi bir telefon nömrəsinin olması yüzlərləvə ya minlərlə potensial müştərinin inamını artırar. Şirkətin nümayəndəsindən məmnun qalmış zəng edən müştəri digər alış-veriş hallarında yenə həmin şirkətə müraciət edəcək və ya digər insanlara tövsiyə edəcək.

2. Çağrı mərkəzi satışları artırır və zənglərin itməsinə imkan vermir.

Şirkət gələn zənglərin potensial satışını müəyyən etmək üçün zənglərini idarə edərkən bəzən səsli mesaj qutusundan istifadə edir. Aparılan araşdırmalar göstərir ki, müştərilərin 90%-i zəng edərkən bu səsli mesaj funksiyasından istifadə etmirlər. Bu da 90% müştərinin itirilməsi deməkdir. Çünki zəng etdikdə “səsli mesajınızı qeyd edin” eşitmək əvəzinə canlı bir şəxslə danışmaq istəyirlər.Bunun qarşısını almaq üçün çağrı mərkəzi üçün növbə yaradıla və potensial alıcıların itirilməməsi üçün qısa gözləmə vaxtı təmin edilə bilər. Eyni zamanda zəng edən biznes partnyoru və ya müştərini müvafiq əlaqə saxlamaq istədiyi şəxsə daxili nömrə yığma imkanı təqdim etməklə birbaşa ya da yönləndirməklə vaxta qənaət etmək olar. 

3. Rəqiblərdən üstün ol.

Əgər rəqibiniz müştərinin zəng edə biləcəyi telefon nömrəsinə sahibdirsə, lakin sizdə yoxdursa, potensial müştərilərin böyük bir hissəsi rəqibinizə üz tutacaq. Lakin müştərinizin konkret iş saatları olduğu halda sizin 24/7 işləyən bir çağrı mərkəziniz varsa, bu sizin şirkəti müştəri üçün, əlbəttə ki, daha cəlbedici edəcək.

Nəzərə alsaq ki, bütün müştərilər iş saatlarında zəng etmir, sizin şirkətinizin onların zəng etmək istədikləri vaxt əlçatan olması üstünlükdür.

4. Çağrı mərkəzi peşəkar imic formalaşdırır.

Çağrı mərkəzinə sahib olmanız, müştəriyə ona tezliklə cavab veriləcəyini və növbədə sırasını bildirməniz sizin bir neçə yox, geniş müştəri bazası ilə çalışan peşəkar şirkət olmağınızdan xəbər verir. Hətta sizin biznesiniz böyük müştəri bazasına sahib olmaq istəyən startupdırsa, peşəkarların təcrübəsindən istifadə etməyiniz şirkətinizin böyüməsi üçün çox əhəmiyyətli olacaq.

Şirkətiniz hələ də zəngləri idarə edə bilmir, və ya zənglər müxtəlif əməkdaşların mobil nömrələri vasitəsilə edilirsə dərhal mənimlə, 012 488 6606 nömrəsi ilə əlaqə saxlayın birgə Sizində müştərilərinizi məmnun edərək əsəblərini qoruyaq