Təsəvvür edin ki, müştəri şirkətə zəng vurur amma xəttlər məşğuldur və ya artıq 5 dəqiqədən çoxdur ki, növbədə gözləyir. Belə bir hal müştəri üçün heç də xoş olmaz. Müştərinin ilk dəfədən zənginə cavab vermək üçün çox kanallı telefon nömrəsindən istifadə etmək üstünlükdür.
Nömrənin kanalı nə qədər çox olarsa, eyni vaxtda bir o qədər müştəri zəngini idarə etmək mümkün olar. Bütün zəngləri eyni anda qəbul edərək həm xidmət səviyyəsini, həm müştəri məmnuniyyətini, həm də satışın həcmini artırmağa müvəffəq olacaqsınız. İndi isə çox kanallı telefonun necə hazırlanmasını öyrənək.
Nömrənin kanalını artıran zaman Analoq ATS-də ortaya çıxan problemlər

• Əlavə avadanlıq alınması tələbi

Bilirsiniz ki, analoq ATS istifadə edərkən telefon xəttlərinin sayı əvvəlcədən təyin olunur. Sonradan xəttlərin sayını artırmaq üçün əlavə avadanlıq almaq və onun quraşdırmaq lazım gəlir. Belə nəticəyə gəlirik ki, analoq ATS ilə çox kanallı nömrəyə qoşulmaq olduqca bahalı və uzun prosesdir. Unutmayın ki, Analoq ATS-də istifadə olunan telefon nömrəsi şirkətin ünvanına bağlı olur və başqa ünvana köçən zaman nömrəni daşımaq mümkün deyil.
Virtual ATS sistemində istifadə olunan nömrə rəqəmsal olduğu üçün telefon nömrəsi şirkətin ünvanından asılı olmur. Nömrəni daşımaq mümkündür. Şirkət kanalların sayını istədiyi vaxt artıra bilər və bunun üçün avadanlıq almağa ehtiyac yoxdur. Kanalların təmin olunması prosesi cəmi bir neçə saat vaxt alır. Qoşulma provayder tərəfindən uzaqdan həyata keçirilir. Virtual ATS istifadə edərkən çox kanallı nömrə üzərindən başqa imkanları da təmin etmək mümkün olur.

1. Kanal sayına görə operator məhdudiyyəti

Çox kanallı telefon nömrəsinə qoşulmazdan öncə şirkətin imkanlarını nəzərə almaq lazımdır -məsələn, zənglərə eyni vaxtda neçə işçi cavab verə biləcək və ya hansı əlavə xidmətlərdən (zəngin yönləndirilməsi, növbə və s.) istifadə etmək lazımdır. Gəlin buna aid kiçik bir nümunəyə baxaq.
Nümunə: Təşkilat nömrəsinə 15 kanal qoşdu. Deməli, analoq ATS-dən istifadə edərkən eyni anda daxil olan 15 zəngi qəbul etmək üçün 15 sərbəst menecer və 15 aparat lazım olacaq.
Virtual ATS-ə qoşulduqda isə zəngləri idarə etmək prosesi asanlaşır.  Çünki belə halda əlavə xidmətlər qurulur, məsələn, zənglər işçilərin mobil nömrələrinə yönləndirilir və ya xəttdə müştəriləri gözlətmək üçün növbədən istifadə olunur.
Virtual ATS-də çox kanallının nömrənin yaratdığı imkanlar
Əgər şirkət virtual ATS-dən istifadə edirsə, bu zaman çox kanallı nömrənin funksiyaları genişlənir:
Səs menyusu və IVR – şirkətin vizit kartı rolunu oynuyur. Çünki o şirkətin statusunu və müştərilərin etimadını artırır. Abunəçilər stabil və etibarlı şirkətə zəng etdiklərini anlayırlar. Həm operatorun zəngə cavab verməsini gözləyə, həm də zəngi özünüz sərbəst şəkildə lazımi nömrəyə yönləndirə bilərsiniz.
Zənglərin statistikası və kitabçası – işçilərin intizamına nəzarət etmək üçün ideal imkandır. Beləliklə, istənilən vaxt qəbul edilmiş və buraxılmış zənglərin sayını, müştərinin xəttdə gözləmə vaxtını qiymətləndirmək olur. Həmçinin şirkətin rəhbəri bu xidmətin köməyi ilə işçilərin yükünü qiymətləndirə, güclü mütəxəssisləri müəyyənləşdirə bilər və s.
Səs danışıqlarının qeydə alınması və saxlanılması – işçilərin işinə nəzarət etməyə və telefon xidmətinin səviyyəsini yüksəltməyə kömək edir. Müştərilərlə danışıqlar zamanı ən effektiv satış skriptlərini tapmaq, müştərilərlə razılaşmaları xatırlamaq  və mübahisəli məsələni həll etmək üçün danışıqlar hər an dinlənilə bilər.
Digər Virtual ATS xidmətləri - zənglərin növbəsi və ssenariləri, konfrans rabitəsi, səsli poçt, söhbətə qoşulma və digər funksiyalar çox kanallı telefon xətlərinin istifadəçiləri üçün də mövcuddur.
Təcrübə göstərir ki, çox kanallı nömrələrdən çoxsaylı zəng qəbul edən şirkətlər istifadə edir. Məsələn, online-mağaza, taksi və çatdırılma xidmətləri, turizm firmaları, daşınmaz əmlak agentlikləri və digər təşkilatlar.