Zənglər, fakturalar, tiketlər, operator statusları — bunların hamısını izləmək üçün artıq ayrıca proqrama daxil olmaq lazım deyil. Hər şey birbaşa Telegram-da, telefonunuzun içindədir.

Müştərilərimizə daha rahat xidmət göstərmək üçün onların gündəlik rastlaşdığı çətinlikləri daim izləyirik. Ən çox eşitdiyimiz şikayətlər bunlardır: zəng cavablandırılmır. Müştəri bunu operatora deyir, siz isə bunu bir neçə saat sonra, statistikaya baxanda öyrənirsiniz. Ya da fakturanın ödənişi gecikir, müştəri xatırlatma gözləyir, siz isə bütün bunlara sistemə daxil olanda baxırsınız.

Şirkətdə nə baş verdiyini anlamaq üçün artıq kompüter qarşısında olmaq məcburiyyəti yoxdur.

Biz bu problemi həll etmək üçün Telegram botunu hazırladıq. Məqsəd sadədir: şirkətinizdə nə baş verdiyini — zəngləri, fakturları, tiketləri real vaxtda telefonunuzdan görəsiniz.

NƏ EDƏ BİLƏRSİNİZ?

VİRTUALATS İSTİFADƏÇİLƏRİ ÜÇÜN XÜSUSİ İMKANLAR

Əgər VirtualATS xidmətindən istifadə edirsinizsə, bot sizə ən çox burada dəyər verir. Ofisdə olub-olmamağınızdan asılı olmayaraq, zəng sisteminizə tam nəzarət əlinizdədir.

Əvvəllər belə idi:

— Sistemi açmaq, giriş etmək, axtarmaq — bunlar vaxt aparırdı;

— Vacib bir zəngi xatırlamadan tapa bilmirdiniz;

— Zəng cavablandırılmır, siz isə bunu saatlar sonra öyrənirdiniz;

— Operatorlardan hansının online olduğunu ancaq ofisdən görürdünüz;

— Hesabatları sistemə daxil olduqdan sonra yaratmalıydınız — özü avtomatik gəlmirdi.

Bot bütün bunları aradan qaldırır.

Audio yazıları tapın və ayaq üstü dinləyin

Zənglərin səs yazısını tapmaq üçün sistemi açmaq, giriş etmək, axtarmaq lazım deyil. Bota nömrə və ya operator adı yazırsınız — səs yazısı Telegram-a gəlir. Nömrə formatının fərqi yoxdur: +994, 00994, 994 — hamısı eyni nəticəni verir.

Operatorların statusu — canlı

Kimin online, kimin offline olduğunu hər an görə bilərsiniz. Bot hər 5 dəqiqədə avtomatik yeniləyir. Ofisdə olmasanız belə, komandanızın vəziyyətini bilirsiniz.

Günlük və həftəlik hesabatlar — özü gəlir

Hər gün saat 18:00-da günün xülasəsi gəlir: ümumi zəng sayı, cavablandırılmamış zənglər, ən yaxşı operatorlar, ən məşğul saatlar, açıq tiketlər, ödənilməmiş fakturalar. Hər bazar ertəsi isə həftəlik hesabat — top 5 operator, ən məşğul 3 saat, ən məşğul iş günü.

Siz heç nə soruşmursunuz. Bot özü sizə lazım olan məlumatı vaxtında göndərir.

BİLDİRİŞLƏR — ÖZÜNÜZ SEÇİRSİNİZ

Hər şey haqqında bildiriş almaq məcburiyyətində deyilsiniz. Hər bildiriş növünü istədiyiniz kimi açıb-bağlaya bilərsiniz:

BİR ŞİRKƏTDƏN BİR NEÇƏ NƏFƏR QOŞULA BİLƏR

Şirkətin bir neçə əməkdaşı — müdir, mühasib, müştəri xidməti rəhbəri — hamısı bota ayrıca qoşula bilər. Hər biri öz emaili ilə giriş edir, hamısı eyni şirkətin məlumatlarını görür, amma hər biri öz bildiriş tərcihlərini seçir.

— Müdir — hesabatlar, cavablandırılmamış zənglər, operator statusları

— Mühasib — fakturalar, ödəniş xatırlatmaları

— Müştəri xidməti rəhbəri — tiketlər, zəng yazıları

QOŞULMAQ NECƏDIR?

1. Telegram-da @Myazerizonebot axtarın

2. /start yazın

3. WHMCS hesabınızın email ünvanını daxil edin

4. Email-ə gələn 6 rəqəmli kodu bota göndərin

5. Hazırdır. Bütün məlumatlarınız artıq Telegram-dadır.

TƏHLÜKƏSİZLİK

Qoşulma OTP (bir dəfəlik şifrə) ilə təsdiqlənir. Hər OTP yalnız 10 dəqiqə etibarlıdır. 3 yanlış cəhddən sonra 30 dəqiqə bloklanır. VirtualATS API açarınız yalnız sizin tərəfinizdən daxil edilir — biz onu görmürük.