İnteractive Voice Response elə bir texnologiyadır ki, zəng edən şəxsi operatorla danışmamışdan öncə məlumatlandırır və onu düzgün operatora yönləndirir. VirtualATS vasitəsilə müştərilərinizin zənglərini asanlaşdıra bilərsiniz. 

Düzgün qurulmuş İVR müştəri xidmətini yüksəltməyə və ilk dəfədən onlarda xoş təəssürat yaratmağa kömək edir. Həmçinin, zəng edən şəxsin onun sorğusu ilə əlaqəsi olmayan operatorla danışıb vaxt itirməsinin qarşısını alır və onu birbaşa doğru ünvana yönləndirir. 

Siz bir çox banklara, çoxlu satışı olan müəssisələrə və çağrı mərkəzlərinə zəng etdikdə İVR sistem ilə qarşılaşırsınız. Həmin müəssisələr bu sistemdən istifadə edərək geniş zəng axınını idarə edir, işçilərinin vaxtına qənaət edir və ümumilikdə vaxt itkisinin qarşısını alır. 

Əgər sizin hələ kiçik biznesiniz varsa və onu böyütməyə çalışırsınızsa, İVR sistem müştərilərinizdə sizin böyük şirkət və peşəkar olduğunuza dair bir təəsürat yarada bilər. Bu isə daha çox müştəri qazanmağınıza səbəb ola bilər!

Şöbələrinizi müəyyənləşdirin

            İVR sisteminiz insanlara sizin müxtəlif şöbələrinizin olduğu fikrini yaradır. Məsələn, siz maliyyə, satış və marketinq şöbələrini İVR-nızda qeyd edə bilərsiniz.

            İVR hər şeydən öncə müştəri problemlərini həll etməlidir, buna görə də, siz müştərinin niyə sizə gəldiyini təyin etməli, daha sonra onun sorğusuna uyğun ən uyğun şöbəni seçməli və beləliklə, düzgün yönləndirmə etməlisiniz.

Düzgün İsmarıc 

Səsləndirilən menyu səmimi və professional olmalıdır. Müştəriyə düzgün seçim etməkdə kömək etməlidir.

Menyunun dili aydın və qısa olmalıdır ki, zəng edən hər bir şəxs səsi anlaya və ehtiyacı olanı seçə bilsin.

Zəng edən müştəriyə belə individual yanaşmağınız sizin xidmət səviyyənizi yüksəldir.

Məlumatlandırma

İVR işçiləri nəzərə alaraq qurulmalıdır. Müştəri sorğusunu cavabsız qoymamaq üçün hər bir operator öncədən məlumatlı olmalıdır. Buna görə də hər bir müştəri qeydlərinə müvafiq məlumatları əlavə etmək lazımdır ki, müştəri zəng etdikdə operator onun haqqında geniş məlumata sahib olsun. 

Bu fərdi və detallı yanaşma hər bir müştərini məmnun edəcəkdir.

FAGs əlavə edin

FAGs(Frequently Asked Questions) – tez-tez verilən suallar deməkdir. 

İVR tez-tez verilən suallara əsasən qurula bilər. Məsələn, sizə iş vaxtınızı öyrənmək üçün mütəmadi zənglər gəlirsə, İVR-da buna avtomatik cavab verərək işçinizin vaxtına qənaət etmiş olarsınız. Beləliklə, burada həm müştəri, həm də siz vaxt qazanmış olacaqsınız.

Nəticə

Sonda belə nəticəyə gəlmək olar ki, İVR sistem sizin xərclərinizə qənaət edir və müştəri sayını artırır. İVR sistem zəngləri özü yönləndirərək sizi əlavə işçidən azad edir. Bu isə əmək haqqına və əlavə işçi yerinə qənaət etmənizə səbəb olur. Beləliklə, daha çox qazanc əldə etmiş olursunuz. 

İVR sistemdən istifadə edərək siz günün 24 saatı zənglər qəbul edə bilirsiniz. Bu isə sizin zənglərinizin iş saatları ilə məhdudlaşmadığını göstərir. Günün istənilən vaxtında müştərilərdən ismarıc ala və istədiyiniz vaxt ona geri dönüş edə bilirsiniz.

Bundan əlavə bulud telefon sistemi vasitəsilə dünyanın istənilən yerində operator təyin edərək zənglərinizi qəbul edə bilərsiniz.